SQO-da traktordyń ústine beton plıta qulady
PETROPAVL. QazAqparat-Taıynsha qalasynyń quqarýshylary traktordyń kabınasynda betondy taqtalarǵa qysylyp qalǵan júrgizýshini alyp shyqty, dep habarlaıdy QazAqparat tilshisi.
Soltústik Qazaqstan oblysy Tótenshe jaǵdaılar departamentiniń málimetinshe, qansyraǵan 60 jastaǵy er adamdy aman alyp qalý úshin qutqarýshylardyń sanaýly ǵana mınýttary bolǵan.
«Jumys isteý kezinde astyq qoımasy jabynynyń beton tiregi qulap, tıegishtiń kabınasyna eki temir-beton plıtasy qulaǵan. Beti men denesi qatty jaraqattanǵan júrgizýshi shatyr men baǵananyń arasyna qysylyp qalǵan. Mundaı jaǵdaıda jyldam áreket etken abzal», - dedi baspasóz qyzmetindegiler.
Qaraýyl bastyǵy Andreı Vıtchenko basqarǵan órt sóndirýshi-qutqarýshylar Marat Tańatqan, Oleg Solodko jáne TJ boıynsha bólimniń ınjeneri Tımýr Sháımerdenov sharqaıraqpen aqyryn ǵana basqarý baǵanasyn kesip, eseńgirep qalǵan júrgizýshini kabınadan alyp shyqty.
Jedel járdem qyzmetkerleri zardap shekken er adamǵa oqıǵa ornynda dereý kómek kórsetip, Taıynsha ortalyq aýdandyq aýrýhanasynyń jansaqtaý bólimine jetkizdi. Naýqas dárigerlerdiń úzdiksiz baqylaýynda, jaǵdaıy birqalypty.
