SQO-da tótenshe jaǵdaı rejımin buzǵan 85 adam ustaldy
SQO polıtsııa departamenti baspasóz qyzmetiniń málimetinshe, óńirde tótenshe jaǵdaı rejımi jarııalanǵaly tártip saqshylary 85 adamdy ustady. Olar shekteýlerdi elemegender, ıaǵnı basym bóligi saǵat 23.00-den tańǵy 7.00-ge deıin komendanttyq saǵat engizilgenine qaramastan kóshege shyqqan.
Budan basqa óńirde ýaqytsha spırttik ishimdikterdi satýǵa tyıym salynǵan. Biraq tekserý barysynda Petropavlda araq-sharap satýdy toqtatpaǵan 5 saýda orny anyqtaldy. Taǵy Shal aqyn aýdanyndaǵy eki dúken zańdy buzyp, spırttik ónimderdi saýdalaǵan.
«Bul shekteýler elde tótenshe jaǵdaı rejıminiń jarııalanýyna baılanysty engizildi. Bizdiń óńirde jaǵdaı turaqty, tynysh, desek te quqyq buzýshylyqtarǵa jol bermeý úshin aldyn alýymyz kerek. Jalpy alǵanda bul ýaqytsha shekteýlerge halyq túsinistik bildirip jatyr. Óıtkeni qazirgi mindet qaýipsizdik pen turaqtylyqty qamtamasyz etý», - deıdi SQO komendanty Marat Tólebaev.
