SQO-da tótenshe jaǵdaı rejımi alynǵanymen, blokposttar jumysyn jalǵastyrady
SQO polıtsııa departamenti baspasóz qyzmetiniń málimetinshe, 13 qańtar saǵat 7.00-den bastap Prezıdent Qasym-Jomart Toqaevtyń Jarlyǵymen Soltústik Qazaqstan oblysynan tótenshe jaǵdaı rejımi alyndy. Osyǵan oraı, oblys aýmaǵy men Petropavl qalasyna kirý shekteýlerinen basqa, buryn engizilgen shekteýler alynady. Terrorıstik qaýiptiń sary deńgeıine baılanysty terrorızmmen kúres jónindegi oblystyq jedel shtabtyń sheshimimen óńirde blokposttar jumysyn jalǵastyrady. ıAǵnı, burynǵydaı jeke basty kýálandyratyn qujattardy tekserýdi kózdeıtin baqylaý-ótkizý rejımi jalǵasady.
«Baqylaý-ótkizý rejımi tek halyqtyń qaýipsizdigin qamtamasyz etý úshin ǵana qalyp otyr. Buryn engizilgen shekteýler men turǵyndardyń tártipti saqtaýy jalpy jaǵdaıdy turaqtandyrýǵa septigin tıgizdi. Іshki ister organdarynyń jeke quramy burynǵydaı erekshe rejımde jumys isteı beredi. Qoǵamdyq tártip pen asa mańyzdy memlekettik jáne strategııalyq obektilerdi kúzetý jalǵasady», - dedi SQO Polıtsııa departamentiniń bastyǵy Marat Tólebaev.
