SQO-da tórt kúnde sheteldikterdi zańsyz jumysqa tartýdyń 14 deregi anyqtaldy
PETROPAVL. KAZINFORM – Soltústik Qazaqstan oblysynda «Mıgrant» jedel-profılaktıkalyq is-sharasy ótip, zań talabyn buzǵan 10 adam el aýmaǵynan shyǵaryldy.
SQO Polıtsııa departamenti baspasóz qyzmetiniń málimetinshe, zańbuzýshylyqtardyń basym bóligi jeke qurylys nysandarynda tirkelgen. Kináliler ákimshilik jaýapkershilikke tartyldy.
Jalpy, polıtseıler 17-20 naýryz aralyǵynda Qazaqstan Respýblıkasynyń aýmaǵynda sheteldik azamattardyń bolý qaǵıdalaryn buzýdyń 132 deregin tirkedi. Sot sheshimimen 10 adam el aýmaǵynan shyǵaryldy.
Sondaı-aq elimizdiń 104 azamaty jaýapkershilikke tartyldy. Kóp jaǵdaıda qabyldaýshy tarap shetelden kelgen qonaqtardyń kelýi týraly ýákiletti organdardy belgilengen merzimde habardar etpeıdi.
Polıtseılerdiń aıtýynsha, «Mıgrant» jedel-aldyn alý is-sharasy eń aldymen quqyq buzýshylyqtardyń aldyn alýǵa, Qazaqstan Respýblıkasy azamattarynyń zańdy múddelerin qorǵaýǵa jáne qoǵamdaǵy turaqtylyqty qamtamasyz etýge baǵyttalǵan.
Buǵan deıin Abaı oblysynda laı qursaýynda qalǵan 4 adam qutqarylǵanyn jazǵan edik.
