SQO-da tórt kúnde 33 otbasy polıtsııa esebine alyndy

PETROPAVL. QazAqparat – Soltústik Qazaqstan oblysynda ótken «Jasóspirim» jedel-profılaktıkalyq is-sharasy aıasynda 33 otbasy turmysy nashar retinde polıtsııanyń esebine alyndy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 13-19 qyrkúıek aralyǵynda «Jasóspirim» jedel-profılaktıkalyq is-sharasy ótip jatyr.

Maqsat – jasóspirimder arasynda quqyq buzýshylyqtardy azaıtyp, olarǵa qatysty jasalatyn qylmystardyń aldyn alý.

ıÝvenaldyq polıtsııa is-shara aıasynda jumysty kúsheıtip, túngi kósheler men oıyn-saýyq oryndaryna reıdke shyqty.

Keshki saǵat 23.00-den tańǵy saǵat 6.00-ge deıin jasóspirimder turǵyn jaıdan tys jerde zańdy ókilderimen ǵana júre alady.

Zań buzǵandarǵa ákimshilik jaýapkershilik bar.

16 qyrkúıekte tún jarymynda polıtseıler eki bozbalany toqtatqan. Onyń biri 15 jasta bolyp shyqty.

Byltyr ata-anasy balasynyń túngi ýaqytta júrgeni úshin ákimshilik jazaǵa tartylǵan bolatyn.

Ulynyń túnde serýendegeni úshin olarǵa eskertý berildi. Jyl ishinde qaıtalanǵan jaǵdaıda aıyppul salynady.

Operatsııanyń tórt kúninde oblysta túngi serýendi unatatyn 136 jasóspirim anyqtalyp, ata-anasy eskertý aldy.

33 otbasy turmysy tómender retinde esepke qoıyldy.

Kámeletke tolmaǵandardy tárbıeleý jáne asyraý boıynsha mindetterin oryndamaǵan 43 ata-ana jaýapkershilikke tartyldy. Buzaqylyq jasaǵan 9 jasóspirim anyqtaldy.

«Sabaq bastalǵannan beri esepte turǵan turmysy tómen otbasylar, jasóspirimder turǵylyqty jeri boıynsha tekserilip jatyr. ıÝvenaldyq polıtsııa qyzmetkerleri balalardyń mektepke barǵan-barmaǵanyn, ata-analardyń olardy tárbıeleý boıynsha mindettemelerin oryndap jatqandyǵyn tekseredi. Bilim berý mekemelerinde quqyqtyq saýattylyǵyn arttyrý úshin oqýshylarmen áńgime júrgiziledi. Kámeletke tolmaǵandardy qorǵaý boıynsha jumys SQO PD basshylyǵynyń udaıy baqylaýynda», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.