SQO-da tórt kúnde 25 ishimdik ishken júrgizýshi ustaldy

PETROPAVL. QazAqparat – Soltústik Qazaqstan oblysynda jarty jylda 500 alkogoldi ishimdik ishken júrgizýshi ustaldy. Іshimdik ishkender 11 apat jasap, 4 adam qaza tapty jáne 15-i jaraqat aldy, dep habarlaıdy QazAqparat tilshisi.

Polıtsııa departamenti baspasóz qyzmetiniń málimetinshe, óńirde tórt kún boıy «Mas júrgizýshi» jedel-profılaktıkalyq sharasy júrip jatyr. Osy ýaqyt ishinde rýlge ishken kúıde otyrǵan 25 soltústikqazaqstandyq anyqtalǵan.

«Oblys joldarynda barlyǵy 1 502 ret jol erejesi buzylǵany anyqtaldy. Onyń ishinde 200 fakti qaýipsizdik belbeýin paıdalanbaý, 194 jyldamdyq asyrý jáne 119 rýlde telefon qoldaný bar. Buǵan deıin júrgizýshi kýáliginen aıyrylǵan bes adam kólik júrgizgen. Sharaǵa kún saıyn 370 ofıtser qatysty», - dedi jergilikti polıtsııa basqarmasy bastyǵynyń orynbasary Grıgorıı Tysh.

Jyl basynan beri oblysta 127 jol-kólik oqıǵasy tirkelip, saldarynan 17 adam mert bolǵan jáne 179-y jaraqat alǵan.