SQO-da tórt kúnde 224 júrgizýshi jaýapqa tartyldy
PETROPAVL. QazAqparat – Soltústik Qazaqstan oblysyn «Qaýipsiz jol» jedel-profılaktıkalyq is-sharasy ótti, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń habarlaýynsha, operatsııaǵa 159 patrýldik polıtseı, 153 ýchaskelik ınspektor jáne basqa qyzmetterdiń 64 tártip saqshysy qatysty, ıaǵnı polıtsııanyń barlyq kúsh pen quraldary jumyldyryldy. Oblys joldarynda 111 beket pen avtopatrýlder qoıyldy.
SQO Polıtsııa departamenti bastyǵynyń birinshi orynbasary Dýman Taevtyń aıtýynsha, jedel-profılaktıkalyq is-sharanyń maqsaty - jol qozǵalysy qatysýshylarynyń arasynda jolda júrý tártibin arttyrý, jolda júrý erejelerin buzýdyń aldyn alý, jol-kólik oqıǵalaryn boldyrmaý. Aýa raıynyń sýytýyna baılanysty polıtseıler júrgizýshilerdi kólik quraldarynyń tehnıkalyq jaǵdaıyna nazar aýdaryp, dóńgelekterin ýaqtyly aýystyrý qajettigin eskertti.
«Tórt kúni ishinde SQO joldarynda jolda júrý erejesin buzýdyń 1580 deregi anyqtaldy. Kólikti masań kúıde tizgindegen 37 júrgizýshi ustaldy. Qaýipsizdik beldigin paıdalanbaǵany úshin - 200, sondaı-aq jyldamdyqty asyrǵany úshin 224 júrgizýshi jaýapqa tartyldy.Eń kóp ereje buzǵandar - júrginshiler, shamamen 300-ge derek anyqtaly», - deıdi Dýman Taev.
