SQO-da tórt adam donerden ýlanyp qaldy
PETROPAVL. KAZINFORM – Soltústik Qazaqstan oblysynda sporttyq oıyndardy tamashalaýǵa barǵan tórt adam astan ýlandy.
Bul kúnderi M.Jumabaev aýdany Býlaev qalasynda oblystyq «Jastar» sporttyq spartakıadasy ótip jatyr. Ýlanǵandar – osy is-sharany tamashalaýǵa kelgender.
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, zardap shekken tórt adamnyń úsheýi – bala.
Aldyn ala málimet boıynsha, olardyń barlyǵy Býlaev qalasy stadıony aýmaǵyndaǵy saýda ornynan doner satyp alyp jegen.
M.Jumabaev aýdandyq sanıtarııalyq-epıdemıologııalyq baqylaý basqarmasy taǵamnan ýlaný faktisi boıynsha tergeýdi bastady. Barlyq qajetti synamalardy aldy, qazirgi tańda jumys júrgizilip jatyr, - dedi departament qyzmetkerleri.
Buǵan deıin SQO-da bıyl 85 adam týberkýlez juqtyrǵanyn jazǵan edik.