SQO-da baılanys quraldary men tehnıkasy bar órtke qarsy erikti qurylym jasaqtaldy
ASTANA. KAZINFORM - Soltústik Qazaqstan oblysynyń Shal aqyn aýdanyndaǵy Mergen aýylynda QR TJM «Aýyl qutqarýshylary» baǵdarlamasy aıasynda zamanaýı baılanyspen jabdyqtalǵan óńirdegi alǵashqy erikti órtke qarsy qurylym ashyldy.
Bul týraly QR Tótenshe jaǵdaılar mınıstrliginiń baspasóz qyzmeti málim etti.
Qurylym «Germes Agro» JShS bazasynda ornalasqan. Eriktilerdiń ıeliginde — ATs-8-40 órt avtotsısternasy, motopompa, aýa úrlegishter, búrikkishter, qorǵanysh ekıpırovkasy bar. Jylytylatyn garaj, turmystyq úı-jaılar, avtonomdy sýmen jabdyqtaý sııaqty barlyq qejettiliktermen qamtamasyz etilgen.
«Aýyl qutqarýshylary baǵdarlamasy - bul shalǵaıdaǵy eldi mekenderdiń órtke qarsy qaýipsizdigin nyǵaıtýǵa baǵyttalǵan naqty qadam. Biz tipti eń shalǵaı aýyldarǵa da jyldam jáne kásibı kómek kórsetýge jaǵdaı jasaımyz», — dep vıtse-mınıstr Batyrbek Ábdishev atap ótti.
Osyǵan deıin taýǵa baratyn týrıster TJM-ge onlaın habar bere alatyny týraly jazdyq.
