SQO-da tóbeleste atysqan jigitterdiń bireýin polıtsııa ustady
PETROPAVL. QazAqparat - Senbi kúni túngi klýb aldyndaǵy atysqa qatysýshylardyń birin soltústikqazaqstandyq polıtsııa qyzmetkerleri ustady, dep habarlaıdy «QazAqparat» HAA tilshisi.
«29 shilde kúni túnde «Park Sıtı» túngi klýbynyń aldynda zaqymdaýshy qarý qoldanylǵan janjaldy oqıǵa boldy. Atalǵan oqıǵa boıynsha QR QK-niń 293-baby 3-bólimimen (Buzaqylyq) qylmystyq isi qozǵalyp, oǵan qatysýshylardy 3-ten 5 jylǵa deıin bas bostandyǵynan aıyrý jazasy kútip tur.
Oqıǵaǵa qatysýshy eki jigitke izdeý jarııalandy. Olardyń bireýi - Qyzyljar aýdanynyń 20 jastaǵy turǵyny oblysqa qarasty aýdandardyń birinen tabyldy. Ekinshisi izdestirilýde. Jedel izdestirý sharalary áli de jalǵasyp jatyr», - deıdi SQO ІІD baspasóz qyzmetiniń basshysy Mádına Balǵashoqova.
Aıta keteıik, Petropavlda bir táýlik buryn eki atys boldy. Sonyń saldarynan oq tıgen 19 jastaǵy qala turǵynynyń aıaǵyn kesýge týra keldi.
