SQO-da tilsiz jaý eki adamdy baqılyq etti
ASTANA. 22 qarasha. QazAqparat - 21 qarasha kúni tańerteńgi saǵat alty jarymda Soltústik Qazaqstan oblysy Taıynsha aýdanynyń Kantemırovets aýylynda eki páterli turǵyn úıde órt boldy.
QR TJM-niń baspasóz qyzmetinen habarlanǵandaı, órt saǵat 14.23-te sóndirildi. Tilsiz jaýdy aýyzdyqtaýǵa Soltústik Qazaqstan oblysy boıynsha TJD órtke qarsy qyzmetiniń 3 adamy men 1 tehnıkasy, «Vıshnevka» JShS erikti órt qurylymynyń 5 adamy men 2 tehnıkasy jumyldyryldy.
Jalyn sharpyǵan aýmaq 160 sharshy metrdi qurady. Órt bolǵan jerde 55 jastaǵy er adam men 58 jastaǵy áıeldiń máıitteri tabyldy.
