SQO-da tergeýshi 2 mln teńge para aldy degen kúdikke ilindi
«Soltústik Qazaqstan oblysy boıynsha sybaılas jemqorlyqqa qarsy qyzmeti SQO polıtsııa departamentiniń asa mańyzdy ister boıynsha aǵa tergeýshisi qyzmetin atqarǵan polıtsııa podpolkovnıgine qatysty sotqa deıingi tergeýdi bastady. Ol óndirisindegi qylmystyq protseske qatysýshydan qylmystyq isti qysqartý úshin 2 mln teńge mólsherinde para alý faktisi boıynsha kúdikke ilindi», - dedi Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bekaıdarov elordada ótken baspasóz máslıhatynda.
Shyntýaıtynda qylmystyq is qylmys quramynyń bolmaýyna baılanysty 2020 jyldyń 8 aqpanynda toqtatylǵan. Alaıda polıtsııa podpolkovnıgi bul jaǵdaıdy óz paıdasyna jaratpaq bolǵan.
«Kinániń tolyq moıyndalýyna baılanysty sybaılas jemqorlyqqa qarsy qyzmet sotqa deıingi tergeýdi jedeldetilgen is júrgizý tártibinde aıaqtaýdy josparlap otyr. Onyń kinálilik dárejesi týraly túpkilikti sheshimdi sot belgileıdi», - deıdi ol.