SQO-da tergeýdegi adam aýrýhanadan qashyp ketti
ІІM habarlaýynsha, 13 tamyz kúni keshke Ǵ. Músirepov atyndaǵy aýdandyq aýrýhanadan arnaıy palatada em alyp jatqan tergeýmen qamalǵan adam qashyp ketken. 23 jastaǵy soltústikqazaqstandyq mal urlyǵy faktisi boıynsha tergeýge alynǵan eken.
Oblystyq Polıtsııa departamentiniń, aýmaqtyq bólinisterdiń jeke quramy dabyl boıynsha shaqyrtylyp, kúdiktini izdeýge baǵdarlandy.
Qashqynnyń jolyn bógeý úshin oblystyq jáne respýblıkalyq mańyzy bar joldarǵa beketter qoıyldy.
Jeksenbi kúni tańerteń Ǵ. Músirepov atyndaǵy aýdannyń Stavropolka aýylynyń mańynda kúdikti ustaldy. Qazirgi ýaqytta ustalǵan adam tergeý ızolıatoryna qamaldy. Qashý faktisi boıynsha QR Qylmystyq kodeksiniń 426-baby 1-bóligimen sotqa deıingi tergep-tekserý bastaldy.
Buǵan deıin Petropavldaǵy № 2 qalalyq sottyń jáne mamandandyrylǵan aýdanaralyq ekonomıkalyq sottyń sýdıalary men qyzmetkerleri jarylǵysh zat qoıylǵandyǵy týraly habarǵa baılanysty evakýatsııalanǵanyn aıtqan edik. Polıtsııa qyzmetkerleri ǵımarattan qaýipti zatty tappady.