SQO-da temirjol jáne áýe kóligine otyrý úshin endi PTR test qajet emes
PETROPAVL. QazAqparat – Soltústik Qazaqstan oblysynda poıyzǵa jáne ushaqqa otyrý úshin endi PTR test tapsyrýdyń qajeti joq, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, tıisti qaýlyǵa QR kóliktegi bas memlekettik sanıtarııalyq dárigeri Janar Orazalına qol qoıdy.
Jańa qaýly boıynsha endi SQO-da temirjol men áýe kóligine otyratyndar PTR testin jasatpaýyna bolady. Qujat 16 jeltoqsan saǵat 00.00-de kúshine enedi.
Petropavlda 14 jeltoqsannan bastap karantındik shekteýler jeńildetilip, qalanyń perımetri boıynsha qoıylǵan blokposttar alyndy. Oǵan koronavırýs boıynsha epıdemıologııalyq jaǵdaıdyń turaqtalýy sebep. Endi demalys jáne mereke kúnderi qoǵamdyq kólikter júredi. Jeksenbiden basqa kúnderi saýda ortalyqtary ádettegideı jumys istemek.
