SQO-da Taıynsha, Jańaesil jáne Saýmalkól stantsııalarynyń vokzaly ashyldy
ASTANA.KAZINFORM - Soltústik Qazaqstan oblysynda qaıta jóndeýden keıin Taıynsha, Jańaesil jáne Saýmalkól stantsııalarynyń vokzaldary ashyldy. Bul týraly Kólik mınıstrligi habarlady.
1958 jyly salynǵan Taıynsha vokzalynyń aýdany 375-ten 580 sharshy metrge deıin ulǵaıdy. Stantsııa arqyly aımaqty Astana, Almaty, Petropavl, Qaraǵandy, Qyzylorda, sondaı-aq Qyrǵyzstan jáne Reseımen baılanystyratyn 12 jolaýshylar poıyzy ótedi.
Jańaesil vokzaly 1960 jyly paıdalanýǵa berilgen. Qaıta jóndeýden keıin ǵımarattyń aýdany 429-dan 570 sharshy metrge deıin ósti.
Saýmalkól vokzaly 1966 jyly salynǵan. Aýdany 207 sharshy metr ǵımarat tolyǵymen jańartyldy.
Aıta keteıik, Qyzylorda oblysyndaǵy úsh tarıhı vokzal jańǵyrtýdan keıin qaıta ashyldy.
Qazaqstannyń 10 óńirinde jańǵyrtýdan ótken 30 vokzal men jolaýshylar ınfraqurylymy nysany paıdalanýǵa berildi.
