SQO-da táýlik ishinde qar qursaýynan 100-den astam kólik evakýatsııalandy
PETROPAVL. QazAqparat - Bir kúnde SQO joldarynda qar qursaýynan 107 birlik tehnıka jáne 383 adam qutqaryldy, dep habarlady SQO TJD baspasóz qyzmetine silteme jasap «QazAqparat» agenttigi.
Jeksenbide kúshti jel, tómennen soqqan boran respýblıkalyq, oblystyq, jergilikti mańyzy bar Aıyrtaý, Ǵ. Músirepov, Mamlıýt, Shal aqyn aýdandary joldarynda kólik qozǵalysyna kedergi keltirdi. Ol jerde 9 jaǵdaı tirkeldi.
Baspasóz qyzmetiniń aqparatyna sáıkes, adamdar men kólik taza jolǵa shyǵaryldy. Qurbandar men zardap shekkender joq. Apatty-qutqarý jumystaryn júrgizýge barlyǵy 11 birlik ınjenerlik tehnıka jáne jeke quramnan 24 adam jumyldyryldy.
Keshke aýa raıy nasharlap, oblys sheginde kóliktiń barlyq túrine joldy jabý týraly sheshim qabyldandy. Jol búgin saǵat 11.00-de ashyldy.
Qutqarýshylar boran jaıly turǵyndar BAQ jáne SMS habarlama arqyly habardar etilgenin atap ótedi. Habarlamany 417 myń abonent aldy. Eskertýge qaramastan soltústikqazaqstandyqtar jolǵa shyqqan.
