SQO-da Táýelsizdiktiń 30 jyldyǵyna oraı tarıhı-sáýlet eskertkishteriniń fotobaıqaýy jarııalandy
Baıqaý jaıynda habarlandyrý SQO tarıhı-mádenı murany qorǵaý jáne paıdalaný ortalyǵynyń áleýmettik jelidegi resmı saıtynda jarııalandy. Tamyz aıynyń sońyna qaraı bastaý alǵan fotobaıqaý 30 qyrkúıekke deıin uzartylyp otyr.
«SQO murasy zamandastar obektıvinde» dep atalǵan baıqaýǵa kez kelgen turǵyn qatysa alady. Bir avtor 5 sýretten artyq jibere almaıdy. Taǵy bir talap – túsirilgen fotolar buǵan deıin esh jerde qoldanylmaǵan, ıaǵnı jańa bolýy tıis.
«JPEG-formattaǵy, ıaǵnı joǵary sapaly fotosýretter qabyldanady. Baıqaý QR Táýelsizdiginiń 30 jyldyǵyna oraılastyrylǵan. Osy is-shara arqyly óńirdiń tarıhı-mádenı-sáýlet murasyna turǵyndardyń nazaryn aýdarǵymyz keledi. Fotografııa óneri arqyly bizdiń eskertkishterdiń sulýlyǵyn, mańyzyn kórsetýdi, shyǵarmashyl adamdarǵa qoldaý bildirýdi maqsat ettik», - deıdi ortalyqtyń dırektory Raqat Mambetalınov.
Uıymdastyrýshylardyń aıtýynsha, jeńimpazdarǵa baǵaly syılyqtar bar. Al úzdik fotosýretterdi ortalyq keıin jumysynda qoldanbaq.