SQO-da tasqynǵa baılanysty azyq-túlik baǵasyn ósirgenderge jaýapkershilik bary eskertildi
PETROPAVL. KAZINFORM — Soltústik Qazaqstan oblysynda jyl basynan beri baǵany negizsiz kótergen 27 kásipkerlik sýbektisi ákimshilik jaýapkershilikke tartyldy. Taǵy 26 bıznes sýbektisine eskertý jasalsa, bireýine ákimshilik aıyppul salyndy.
SQO-da sý tasqynyna baılanysty áleýmettik mańyzy bar azyq-túlik taýarlaryna baǵanyń ósýine jol bermeý boıynsha profılaktıkalyq jumys júrgizilip jatyr.
Óńirlik kommýnıkatsııalar qyzmetinde saýda jáne tutynýshylardyń quqyǵyn qorǵaý departamentiniń basshysy Qanat Jeńisbekuly baǵany negizsiz ósiretinderge aıyppul bar ekenin eskertti.
«Іshki saýda salasyndaǵy zańnama talaptaryn saqtaý qajettiligi týraly bıznes sýbektileriniń nazaryn aýdaramyz. Bul Saýda qyzmetin retteý týraly zańnyń 9-babynda kórsetilgen. ıAǵnı áleýmettik mańyzy bar azyq-túlik taýaryna kásipker óndirýshiniń satý baǵasynan nemese kóterme jetkizýshiniń satyp alý baǵasynan shekti saýda ústemesiniń mólsherin 15% aspaıtyn mólsherde ǵana belgileı alady. Áleýmettik mańyzy bar azyq-túlik taýarlaryna 19 taýar túri jatady, olardyń ishinde birinshi surypty bıdaı uny, nan, qaraqumyq jarmasy, kúrish, kartop, sábiz, pııaz, qyryqqabat, qant, kúnbaǵys maıy, sıyr, taýyq eti, sút, aıran, sary maı, jumyrtqa, tuz jáne súzbe jatady», — deıdi Qanat Jeńisbekuly.
Mamannyń aıtýynsha, QR Ákimshilik quqyqbuzýshylyq týraly kodekstiń 204-4-babynda osy Zań normalaryn buzǵany úshin ákimshilik jaýapkershilik kórsetilgen.
«Zańnamada belgilengen saýda ústemesiniń mólsherin arttyrǵan jaǵdaıda eskertiledi. Ákimshilik jaza qoldanylǵannan keıin bir jyl ishinde qaıtalap jasalsa — shaǵyn kásipkerlik sýbektilerine — 10, orta kásipkerlik sýbektilerine — 75, iri kásipkerlik sýbektilerine 300 aılyq eseptik kórsetkish mólsherinde aıyppul salynady», — deıdi Qanat Jeńisbekuly.
2024 jyldyń basynan bastap Departament 27 kásipkerlik sýbektisin ákimshilik jaýapkershilikke tartqan, onyń ishinde: 8 — orta kásipkerlik, 19 — shaǵyn kásipkerlik sýbektileri. 26-syna eskertý jasaldy, bireýi ákimshilik aıyppul tóledi.
«Áleýmettik mańyzy bar azyq-túlik taýarlaryna saýda ústemesiniń mólsherin arttyrǵan 17 shaǵyn dúken jáne saýda jelileri, 7 kóterme kásiporny jáne 3 aýyl sharýashylyǵy taýaryn óndirýshiler anyqtaldy. Olar undy, kúrishti, qaraqumyq jarmasyn, súzbe men taýyq etin jáne sary maıdy, qanp pen kúnbaǵys maıyn qymbatqa satqan. Bul faktiler barlyq kásipkerlerdiń Zańda belgilengen talaptardy saqtamaıtyndyǵyn kórsetedi», — deıdi departament basshysy.
Qanat Jeńisbekuly qazirgideı qıyn jaǵdaıda bıznes sýbektilerinen adaldyqty, azamattyq jaýapkershilikti kórsetýdi jáne qoldanystaǵy zańnamanyń normalaryn saqtaýdy, áleýmettik mańyzy bar azyq-túlik taýarlaryna baǵanyń negizsiz ósýine jol bermeýdi surady.
Al sý tasqynyna deıingi jaǵdaımen salystyrǵanda taýarlardyń quny ósken jaǵdaıda baǵalardy túsirip, dereý Nazarbaev kóshesi 83 mekenjaıy boıynsha nemese 8/7152/468133, 460094 telefony arqyly departamentke habarlasýǵa bolady.
