SQO-da tasqyn sýdyń beti qaıta bastady

PETROPAVL. KAZINFORM – Soltústik Qazaqstan oblysynda sý tasqynynyń ekinshi kezeńi sharyqtaý shegine jetip, Esil ózeniniń deńgeıi túse bastady.

Sý tasqynynyń ekinshi tolqynynda Sergeev bógeniniń qyrynan asyp tógilý bıiktigi 363 sm-ge deıin jetti. Qazirgi ýaqytta sý qoımasy 169 % tolǵan. «Qazgıdromet» RMK SQO fılıalynyń málimetinshe, ótken táýlikte tek 1 sm-ge ǵana kóterilgen. 

Al Toqsan bı gıdrobeketinde 48 sm-ge, Kreşenka eldi mekeniniń mańynda 15 sm-ge, Sergeev qalasynyń janynda 1 sm-ge tómendegen. 

Ekinshi tolqyn Petropavlǵa qaraı kele jatyr. Máselen Pokrovka eldi mekeniniń mańynda 27 sm-ge, Novonıkolskoe aýylynyń janynda 29 sm-ge kóterildi. 

Petropavlǵa ázirge jetken joq, ótken táýlikte munda Esil ózeniniń sý deńgeıi 4 sm-ge tústi. 

Buǵan deıin Petropavlda gýmanıtarlyq kómekti urlady dep jala japqan áıelge ákimshilik jaza qoldanylǵanyn aıtqan edik.