SQO-da tasqyn sý elektr baǵandaryn qulatyp, bir aýyl jaryqsyz qaldy
PETROPAVL. KAZINFORM – Soltústik Qazaqstan oblysy Shal aqyn aýdanyndaǵy Jańatalap aýyly qarǵyn sý men muzdyń saldarynan elektr qýatynsyz otyr.
SQO ákimdiginiń málimetinshe, alqaptan kelgen qarǵyn sý joǵary voltty elektr jelisiniń 4 baǵanyn qulatqan. Saldarynan 89 turǵyny bar Jańatalap eldi mekeni jaryqsyz qaldy. Aýyldy elektr qýatymen qamtamasyz etý múmkin emes, baǵandar sý astynda jatyr.
Petropavl qalasynan oqıǵa ornyna «Soltústik-Qazaqstan Elektrjelistik Taratý Kompanııasy» AQ bas ınjeneri attandy. Іsten shyqqan jelini jóndeý nemese ony 10 kVt rejımde basqa jelige qosý josparlanǵan.
«Sergeev sý qoımasynan tasyǵan sý men muz qatty aǵyspen kelip, elektr taratý jelisi baǵandaryn qulatyp jatyr. Qazirgi ýaqytta osyndaı 11 baǵannyń qulaǵanyn tirkedik. Saldarynan Shal aqyn aýdanyndaǵy Jańajol, Keńes, Jańatalap aýyldarynan 200-den astam tutynýshy elektr qýatynsyz qalmaq», - dedi «Sevkazenergo» AQ baspasóz hatshysy Dınara Hodjaeva.
Buǵan deıin birinshi vıtse-premer Roman Sklıardyń strategııalyq nysan «Qyzyljar sý» seriktestiginde bolyp, sý tasqynyna daıyndyǵyn teksergenin aıtqan edik.
