SQO-da tasqyn kezinde sý astynda qalǵan balalar lageri jańa maýsymdy ashýǵa daıyn

PETROPAVL. KAZINFORM – Soltústik Qazaqstan oblysy Qyzyljar aýdanyndaǵy «Serebrıanyı bor» balalardyń saýyqtyrý lageri tasqynǵa baılanysty maýsymdy kesh bastap jatyr. Sý astynda qalǵan nysan tolyq jóndeýden ótti.

SQO ákimi Ǵaýez Nurmuhambetov «Serebrıanyı bor» saýyqtyrý lageriniń qazirgi jaǵdaıyn baryp kórdi. Balalardyń demalys orny Bolshaıa Malyshka eldi mekeniniń mańynda ornalasqan. 1965 jyly salynǵan nysan 100 balaǵa shaqtalǵan. Kóktem kezinde lager aýmaǵyna da sý kirdi. 

SQO bilim basqarmasynyń málimetinshe, lagerdi tasqynnan keıin qalpyna keltirýge 200 mln teńgege jýyq qarajat bólindi. Jumysty 6 kompanııa atqardy. Qazir demalys orny balalardyq qabyldaýǵa daıyn tur.

«Aýa raıy durystalysymen-aq ashylamyz. Lager barlyq qajettimen qamtylǵan. Ashana jumys isteıdi, dýsh bólmeleri, monsha bar. Buryn sýmen másele bolatyn. Bıyl ol sheshildi, uńǵyma ornattyq», - deıdi «Serebrıanyı bor» jazǵy saýyqtyrý lageriniń dırektory Ǵafýra Bóstekova. 

Lager aýmaǵynda tórt jatyn korpýs ornalasqan. Medpýnkt, klýb jumys istemek. Oıyn alańdary bar. 

Tamyz aıynda demalys orny eki maýsym jumys istep, 200 balany qamtymaq. 

Buǵan deıin SQO-da tasqynnan zardap shekken kásipkerlerdiń shyǵyny ótele bastaǵanyn jazǵan edik.