SQO-da tapshy mamandardyń tizimin traktorshy bastap tur

PETROPAVL. QazAqparat – Soltústik Qazaqstan oblysyndaǵy kásiporyndarǵa qazirgi ýaqytta 5,5 myńnan astam maman qajet. Bul jaǵdaı jumys berýshiler arasynda júrgizilgen saýalnama barysynda belgili boldy, dep habarlaıdy QazAqparat tilshisi.

SQO kásipkerler palatasy baspasóz qyzmetiniń málimetinshe, óńirde jumysshy mamandarǵa suranys joǵary.

Jyl saıyn kásipkerler palatasy jumys berýshiler arasynda saýalnama júrgizip, qajet mamandyqtardyń tizimin anyqtaıdy.

Bıyl palata osylaısha 1700 kásipkermen sóılesip, óńir boıynsha túrli salaǵa 5516 mamannyń qajet ekenin anyqtady.

«Sonyń ishinde aýyl sharýashylyǵy salasyna bilimdi, oqyǵan azamattar kerek. Máselen traktorshy mamandyǵy asa qajet jumysshylardyń TOP 30-ynda kósh bastap tur», - deıdi SQO kásipkerler palatasynyń dırektory Tımýr Bekeev.

Bul jaıynda kásipkerler palatasy óndiristik oqytý sheberleri jáne arnaıy pánder ustazdary úshin uıymdastyrylǵan semınar-praktıkýmda aıtyldy.

Іs-shara SQO kásibı-pedagogıkalyq kolledjde uıymdastyryldy. Sondaı-aq qatysýshylar isi órge basqan eki kásiporynda bolyp, jumysymen tanysty.

«Birinshi kásiporynda sepkishter men oǵan qajet saımandar jasalady. Al ekinshi sharýashylyqta zamanaýı mashına-traktor ortalyǵy, mal sharýashylyǵy kesheni tanystyryldy. Mundaı semınarlar qajet, oqý oryndarynyń ustazdary qazirgi qoldanystaǵy jańa tehnologııalarmen tanysady», - deıdi J.Qızatov atyndaǵy joǵary aýyl sharýashylyǵy kolledjiniń ustazy ıÝrıı Gılgenberg.

Semınar-praktıkým kásibı-pedagogıkalyq kolledj ben «Peterfeld-Agro» JShS arasynda memorandýmǵa otyrýmen aıaqtaldy.

Qujat aıasynda oqý orny sharýashylyqtyń qajettiligi men talaptaryn eskere otyryp bilikti mamandar ázirlep beredi.

Al sharýashylyq óz kezeginde stýdentterge tájirıbeden ótýge jaǵdaı jasap, oqý ornynyń materıaldyq-tehnıkalyq bazasyn nyǵaıtýǵa kómektespek.