SQO-da taksı júrgizýshileri jolaýshyny jasyl eritindimen jýynýǵa májbúrlegen
PETROPAVL. QazAqparat - Soltústikqazaqstandyq polıtseıler jolaqysyn tólemegen klıentti jasyl suıyqtyqpen (zelenka) jýynýǵa májbúrlegen júrgizýshilerdi jaýapqa tartty, dep habarlaıdy QazAqparat tilshisi.
Oqıǵanyń vıdeosy birneshe kún boıynsha áleýmettik jelidegi jergilikti paraqshalarǵa taraǵan bolatyn. Polıtseıler vıdeodaǵy adamdardy anyqtady.
Polıtsııa departamenti baspasóz qyzmetiniń aqparaty boıynsha, 26 jastaǵy Qyzyljar aýdany Beskól aýylynyń turǵyny qala taksoparkteriniń birinde uıaly telefon qosymshasy arqyly qyzmet kórsetken. 8 qańtarda túnde ol klıentti aıtqan jerine jetkizip salǵan. 29 jastaǵy Petropavl turǵyny aqsha tóleýden bas tartqan.
«Taksı júrgizýshisi basqa júrgizýshilerdiń aldynda qala turǵynyn jasyl eritindimen jýynýǵa májbúrlegen. Atalmysh fakti boıynsha oǵan qatysty «Usaq buzaqylyq», taǵy bir júrgizýshige qatysty «Sáıkes tirkelýsiz kásipkerlik qyzmetimen aınalysý» baby boıynsha materıal jınaqtaldy», - dedi baspasóz qyzmetinen.
Polıtsııa qyzmetkerleri kóligimen jolaýshy tasymaldaıtyndardyń jolaqy tóleý máselesin zańmen belgilengen tártippen sheshý kerektigin eskertedi.
Foto: pkzsk.info
