SQO-da Tabyn kólinde balyq qyryldy
NUR-SULTAN. QazAqparat – Soltústik Qazaqstan oblysyndaǵy Tabyn kólinde balyq qyryldy, dep habarlaıdy QazAqparat tilshisi.
Balyqtyń qyrylý sebebin anyqtaý úshin Esil oblysaralyq basseındik balyq sharýashylyǵy ınspektsııasy, Tabıǵı resýrstar jáne tabıǵat paıdalanýdy retteý basqarmasy jáne veterınarlyq qyzmet mamandary jumys istep jatyr.
Ekologııa departamentiniń málimeti boıynsha, mamandar kól jaǵalaýyn zertteý barysynda ondaǵan balyq óleksesin tapqan. Búginde sýdan jáne óli balyqtardan synamalar alynǵan. Vedomstvo ókilderi zertteý aıaqtalǵannan keıin, balyqtardyń qyrylý sebebin jarııalaýǵa ýáde etti.
Qosa keteıik, buǵan deıin Atyraý oblysyda úsh aıda 1 myń tonnadan astam balyq qyrylǵanyn jazǵan bolatynbyz.
