SQO-da tabıǵatty qorǵaý polıtsııasy kúdiktilerdi zańsyz ákimshilik jaýapkershilikke tartqan

PETROPAVL. KAZINFORM - SQO mamandandyrylǵan tabıǵatty qorǵaý prokýratýrasy tulǵalardy ákimshilik jaýapkershilikke zańsyz tartý faktilerin anyqtady.

Baqylaýshy organ zańsyz ańshylyqqa qarsy kúres jónindegi ýákiletti organdar tarapynan ákimshilik zańnamanyń saqtalýyna taldaý júrgizdi.

«Taldaý nátıjesinde tabıǵatty qorǵaý polıtsııasynyń laýazymdy qyzmetkerleri Qazaqstan Respýblıkasynyń „Ákimshilik quqyq buzýshylyq týraly“ Kodeksiniń talaptaryn buza otyryp, ákimshilik materıaldardy quqyq buzýshylyq faktisin rastaıtyn beınejazbasyz jáne qujattarsyz resimdegeni anyqtaldy.

Osyndaı is-áreketterdiń nátıjesinde oblystyń birqatar turǵyndary Kodekstiń 382-babynyń 1-bóligi (janýarlar dúnıesin paıdalaný talaptary men ań aýlaý erejelerin buzý) boıynsha ákimshilik jaýapkershilikke negizsiz tartylǵan», — dep jazdy vedomstvodan.

ıAǵnı, janýarlar dúnıesin qorǵaý salasyndaǵy ýákiletti organdar Kodekstiń talaptaryna qaıshy túrde ákimshilik quqyq buzýshylyq jasaý faktilerin durys saralamaǵan jáne protsestik normalardy buzǵan.

Qabyldanǵan qadaǵalaý sharalarymen ákimshilik quqyq buzýshylyq týraly 6 qaýlynyń kúshi joıylyp, kináli dep tanylǵan 7 laýazymdy tulǵa tártiptik jaýapkershilikke tartyldy.

Zańsyz ańshylyqqa qarsy kúres boıynsha qabyldanǵan sharalardyń tıimdiligi máselesi prokýratýranyń baqylaýynda.