SQO-da sybaılas jemqorlyqqa qarsy saıasat tujyrymdamasynyń jobasy talqylandy
SQO sybaılas jemqorlyqqa qarsy qyzmettiń málimetinshe, sybaılas jemqorlyqqa qarsy saıasat tujyrymdamasynyń jobasy jıyn ózegine alyndy. Óńir basshysy óz sózinde baǵdarlamalyq qujattyń búkil qoǵam úshin mańyzdylyǵyn atap ótti.
«Tujyrymdama sybaılas jemqorlyqqa tózbeýshilikti qalyptastyrýdy, jaýapkershiliktiń bultartpastyǵyn qamtamasyz etý jónindegi sharalardy jetildirýdi, sybaılas jemqorlyqqa qarsy is-qımylda azamattyq qoǵamnyń rólin kúsheıtýdi, sybaılas jemqorlyqqa qarsy is-qımyl jónindegi ýákiletti organnyń qyzmetin odan ári jetildirýdi kózdeıdi», - dedi Qumar Aqsaqalov.
Jobany oblystyń sybaılas jemqorlyqqa qarsy qyzmet basshysy Jarqyn Ǵalymov tanystyrdy. Onyń pikirinshe, parasatty bıznesti qalyptastyrý úshin tujyrymdama jobasynda kózdelgen sybaılas jemqorlyqqa qarsy standarttardy erikti túrde engizý qajet.
«Bul kelisimsharttardaǵy sybaılas jemqorlyqqa qarsy eskertpeler, kompanııalardyń benefıtsıarlyq menshik ıeleriniń ashyqtyǵy, kontragentterdiń adaldyǵyn baǵalaý jáne yqtımal sybaılas jemqorlyq mámileleriniń sybaılas jemqorlyqqa qarsy aýdıti. Adal jumys isteıtin kompanııalar, bizdiń oıymyzsha, qarjylyq jaǵynan kótermelenýi kerek. Árıne, tikeleı emes, biraq memlekettik satyp alý, memlekettik qoldaý jáne t.b. kezinde preferentsııalar alýǵa múmkindik berý» - dedi Jarqyn Ǵalymov.
Talqylaý barysynda bıznesmenderge zańdy tulǵalardyń sybaılas jemqorlyq quqyq buzýshylyqtaryn jasaýy, para berýge ýáde berý jáne usyný úshin kózdelgen jaýapkershilik sharalary aıtyldy.
Aıta ketý qajet, SQO sybaılas jemqorlyqqa qarsy qyzmeti byltyr 83 sybaılas jemqorlyq qylmysyn tirkedi, onyń 16 deregi bızneske zańsyz aralasý boıynsha. Alaıda, kásipkerler tarapynan da zańbuzýshylyqtar anyqtalǵan. Mysaly, 2021 jyly sybaılas jemqorlyq quqyq buzýshylyqtar boıynsha jaýapkershilikke tartylǵan 70 adamnyń 15-i - bıznes sýbektileri.
