SQO-da sybaılas jemqorlyq qylmystarynyń ashylýy jıiledi
Memlekettik qyzmet jáne sybaılas jemqorlyqqa qarsy is-qımyl departamenti baspasóz qyzmetiniń aqparatynsha, anyqtalǵan qylmystardyń 68-i - sybaılas jemqorlyqpen baılanysty. Bul ótken jylǵy kórsetkishten 2,3 ese kóp. 40 qylmys aýyr sanatqa jatqyzylǵan. Bıýdjettik qarajatty urlaýdyń 13 faktisi, qyzmettik ókildikti asyra paıdalanýdyń 11 faktisi, 6 alaıaqtyq, qyzmet babynda jalǵan qujat jasaýdyń 5 faktisi toqtatyldy.
«Jyl basynan beri paraqorlyqtyń 30 faktisi áshkerelengen. Sonyń ishinde para alyp, berý, paraqorlyqta deldal bolý faktileri bar. 30 adam qylmystyq jaýapkershilikke tartylǵan», - dep aqparattandyrdy Ulttyq bıýronyń SQO boıynsha departamentiniń basshysy Qurmash Seıitbekov.
Aımaqtaǵy jemqorlyq qylmystar qoǵamdy jıi dúrliktirýde. Bıylǵy jyly Petropavlda quramyna qalalyq ákimdiktiń qyzmetkerleri kirgen qylmystyq top ustaldy. Olar senim bildirgen tulǵalardyń atyna turǵyn úılerdi syrýdy zańsyz resimdegen. Joldardy salý kezinde bıýdjettik qarajatty urlaý faktisi boıynsha tergeý júrgizilýde. Qyrkúıekte aýdan ákiminiń para alýy áshkerelendi. Jer ýchaskesin bergeni úshin syıaqy talap etken aýyl ákimi para somasynan 50 ese kóp aıyppul tóleıtin bolady.