SQO-da sút zaýytynda ónimdi tsıfrlyq tańbalaý júıesi synaqtan ótkizildi
Jobany qazaqstandyq «QR Trace» kompanııasy Aýyl sharýashylyǵy mınıstrligimen jáne «Qazaqtelekom» kompanııasymen seriktesip, petropavldyq «MolProdýkt» JShS bazasynda iske asyrdy.
«MolProdýkt» JShS-degi jańǵyrtylǵan óndiristik jeliniń jumysyn kórsetýge QR Aýyl sharýashylyǵy mınıstrliginiń, «Qazaqtelekom» AQ-nyń jáne «QR Trace» JShS ókilderi jáne qatysty.
AÓK salasyndaǵy tańbalaý júıesin engizý boıynsha alǵashqy pılottyq joba Úkimet basshysynyń tapsyrmalaryn jáne Premer-Mınıstrdiń birinshi orynbasary Álıhan Smaıylovtyń 2020 jylǵy 14 shildedegi «Qazaqstan Respýblıkasynda taýarlardy tańbalaý jáne qadaǵalaý jobasyn iske asyrý týraly» keńes hattamasyn oryndaý aıasynda júzege asyryldy.
EAEO-nyń Eýrazııalyq ekonomıkalyq odaq aýmaǵynda taýarlardy sáıkestendirý quraldarymen tańbalaý týraly ratıfıkatsııalanǵan kelisimge sáıkes, Qazaqstan taýarlardy qadaǵalaýdyń ulttyq júıesin iske qosty jáne ıntegratsııalyq protsester aıasynda teri buıymdary men temeki ónimderin mindetti tańbalaýdy engizdi. Sonymen qatar, bıyl respýblıkada dári-dármekterdi, alkogoldi, aıaq kıim men sút ónimderin tańbalaý boıynsha pılottyq jobalar iske qosyldy.
Eýrazııalyq ekonomıkalyq odaq elderinde taýarlardy tańbalaý men olardyń qadaǵalaný júıesi kezeń-kezeńimen engiziledi jáne 2022 jyldan bastap mindetti bolady. ıAǵnı, kórsetilgen jáne qoldan jasalatyn ónim túrleriniń QR-belgisi (Data Matrix) bolmasa, bıyldan bastap daıyndaýshy elden tys jerlerde satylmaıdy.
Tańbalaýdyń birden birneshe maqsaty bar. Birinshi kezekte bul tutynýshylardyń quqyqtary men múddelerin qorǵaý maqsatynda taýarlardy óndirý jáne olardy tasymaldaý týraly málimetterdiń ashyqtyǵyn qamtamasyz etý.
Shtrıh-kodta taýardyń óndiristen dúken sóresine jetkenge deıingi búkil tarıhy jazylady. Máselen, óndirilgen orny men kúni, jaramdylyq merzimi, ónimdi saýda kásiporyndaryna jiberý ýaqyty jáne taǵy basqa da taýar týraly aqparat qamtylady. Tutynýshy bul aqparattyń barlyǵyn birden smartfonynyń kómegimen QR kod (Data Matrix) arqyly oqı alady.
QR-kodtar (Data Matrix) tek tirkelgen kásiporyndarǵa ǵana beriledi. Osylaısha, júıe kontrafaktilik taýarlardy óndirýshilerdiń saýda-logıstıkalyq tizbeginen avtomatty túrde óshiredi.
Taýarlardy tańbalaý jáne qadaǵalaý júıesin engizý bıznes úshin óte paıdaly jáne birqatar artyqshylyqtary bar. Aıtalyq, naryqqa jalǵan ónimder shyǵaratyn zańsyz taýar óndirýshilermen básekelestik máselesi sheshiledi, logıstıkadaǵy shyǵyndar azaıady, taýarlardy esepke alý jeńildetilip, jedeldetiledi.
Jańashyldyqtyń arqasynda kóleńkeli ekonomıkanyń sebep-saldary qysqarady, adal eńbek etetin kásipkerlerdiń tıimdili artady jáne bıýdjet kirisi ulǵaıady. Sondaı-aq, salyq túsimderiniń ósimi áleýmettik mindettemelerdi oryndaýǵa ǵana emes, bıznesti qosymsha qoldaýǵa da baǵyttalatyn bolady.
Qazirgi ýaqytta Qazaqstandaǵy tańbalaýdyń biryńǵaı operatory – «Qazaqtelekom» AQ salalyq memlekettik organdarmen birlesip taýarlardyń keıbir toptary boıynsha pılottyq jobalardy iske qosty. Agroónerkásip kesheni salasyndaǵy pılottyq joba sút ónimderin óndirýmen jáne eksporttaýmen aınalysatyn «MolProdýkt» JShS bazasynda iske qosyldy. Bul kásiporyndaǵy tańbalaý júıesin «QR Trace» kompanııasy tehnıkalyq seriktesi «Pervyı BIT» JShS-men birlesip engizdi.
