SQO-da suranysqa ıe Qarajyra kómiriniń baǵasy arzandady
Petropavl qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń málimetinshe, shilde aıynda Qarajyra kómiriniń tonnasy 17 myń teńge bolsa, búginnen bastap ol 1,5 myń teńgege arzandady. Qazir kómirdi oblys ortalyǵyndaǵy Bereke yqsham aýdany, Lenıngrad kóshesi, 116 mekenjaıyndaǵy temirjol tuıyǵynan 15 500 teńgeden alýǵa bolady. Bul jerde qatty otynnyń 700 tonnasy bar.
Halyq arasynda Shubarkól kómirine de suranys joǵary. Onyń tonnasy 14 800 teńge turady. Jumysshy kenti, Panfılov kóshesi, 276 mekenjaıynda ornalasqan temirjol tuıyǵynda bul kómirdiń 700 tonnasy jatyr.
Mamandardyń aıtýynsha, kúzde qara otynnyń baǵasy qymbattamaq. Osyǵan oraı aldyn ala qamdanyp, kómir túsirip alǵan abzal.
Jalpy SQO-ǵa jylytý maýsymyna otynnan bólek 410 myń tonna kómir qajet. Oblys boıynsha kómir jetkiziletin 32 temirjol tuıyǵy bar. Tamyz-qyrkúıekte turǵyndar úshin óńirge aı saıyn 15 myń tonnadan jetkizilip otyrmaq.
Buǵan deıin SQO turǵyndarynyń temirjol tuıyqtaryna jetkizilgen kómirdi sol kúni-aq bir túıirin qaldyrmaı satyp alyp ketip jatqanyn aıtqan edik.
