SQO-da sýyq tıip aýyrǵandar sany ótken jylmen salystyrǵanda eki ese kóp
PETROPAVL. KAZINFORM – Soltústik Qazaqstan oblysynda jedel respıratorlyq vırýstyq ınfektsııa juqtyrǵandar sany 84 myńǵa jýyqtady. Bul ótken jyldyń uqsas kezeńimen salystyrǵanda shamamen eki ese kóp.
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, ótken jyldyń epıdemıologııalyq maýsymynda 42 569 adam syrqattanǵan.
Naýqastardyń 54,5 myńǵa jýyǵy nemese 65 % - 14 jasqa deıingi bala.
Ótken jylǵy 13 qarashadan bastap oblysta tumaýmen aýyrý jaǵdaılary tirkele bastaldy. Osy aralyqta óńirde barlyǵy 74 adam A (H3N2) tıpti tumaýdy juqtyrǵan. Byltyr qaýipti derttpen osy kezeńde 250-den astam adam aýyrǵan.
«Tumaýmen aýyrǵandardyń eń kóbi Petropavlda, 36 adam juqtyrǵan. JRVI men tumaý aýrýynyń negizgi belgileri: joǵary temperatýra, jalpy ıntoksıkatsııa, álsizdik, tamaq aýrýy, muryn bitelýi. Qubylmaly aýa raıyna baılanysty óńirde epıdemıologııalyq jaǵdaı turaqsyz. Sondyqtan aýrýdy juqtyrmaý úshin maska kııýge, áleýmettik ara qashyqtyqty saqtaýǵa, halyq kóp júretin jerlerge barmaýǵa jáne jeke bas gıgıenasyn saqtap, qoldy jıi sabyndap jýýǵa keńes beremiz. Óıtkeni JRVI men tumaý vırýsy aýa-tamshy joldarymen ǵana emes, qolmen de kózdi, muryndy, aýyzdy ustaýdan shyryshty qabat arqyly berilýi múmkin», - deıdi sanıtar dárigerler.
Mamandardyń aıtýynsha, JRVI men tumaýdyń alǵashqy belgilerinde ózin-ózi emdeýge bolmaıdy, medıtsınalyq kómekke júginý qajet, dárigerdi úıge shaqyrý kerek, aýrýdy taratpaý úshin naýqas balany balabaqshaǵa nemese mektepke jibermeý kerek. Al asqynǵan jaǵdaıda ókpeniń qabynýyna ákelýi múmkin.
