SQO-da sýǵa tunshyǵyp, es-tússiz jatqan sábıdi shekarashy aman alyp qaldy

NUR-SULTAN. QazAqparat – Soltústik Qazaqstan oblysynda Shekara qyzmetiniń sarbazy sýǵa tunshyǵyp es-tússiz jatqan balany qutqaryp aldy, dep habarlaıdy QazAqparat QR Ulttyq qaýipsizdik komıtetiniń baspasóz qyzmetine silteme jasap.

Oqıǵa 2021 jylǵy 18 shildede Soltústik Qazaqstan oblysy Ýálıhanov aýdany Qaraterek aýylynda bolǵan. UQK Shekara qyzmeti Departamentiniń áskerı qyzmetshisi Aıdyn Tursynǵazyuly shekara aımaǵyn aralaý kezinde kishkentaı balanyń shyńǵyrǵan daýsyn estigen.

Bir tosyn jaǵdaıdyń bolǵanyn túsingen sarbaz birden oqıǵa ornyna jetken jáne sý toltyrylyp, jerge kómilgen ydysqa qulap ketken eki jasar balany kóredi. Bala sýǵa tunshyǵyp es-tússiz qalǵan.

«A.Tursynǵazyuly jasandy tynys alý jáne júrekke janama massaj túrinde alǵashqy medıtsınalyq kómek kórsetken soń bala esin jıǵan. Qazirgi ýaqytta onyń jaǵdaıy turaqty»,-delingen UQK baspasóz qyzmetiniń habarlamasynda.