SQO-da sýǵa shomylý maýsymynda 12 adam ajal qushty
PETROPAVL. QazAqparat – Soltústik Qazaqstan oblysynda qutqarý qyzmeti sýǵa shomylý maýsymyn qorytyndylady. Bıyl ózen-kólderde 12 adam sýǵa aǵyp ketken, dep habarlaıdy QazAqparat tilshisi.
SQO Tótenshe jaǵdaı departamenti baspasóz qyzmetiniń málimetinshe, sýǵa shomylý maýsymyn qaýipsiz ótkizý maqsatynda departament jergilikti atqarýshy organdarmen birlesip qajetti is-sharalardy uıymdastyrdy.
«Sýda jappaı demalý oryndarynda, sondaı-aq tabıǵı jaǵajaılarda 50 beket qurylyp, qoǵamdyq 90 qutqarýshy tartyldy. Shomylýǵa tyıym salynǵan jerlerge arnaıy belgiler, kórneki stendter ornatyldy, sondaı-aq mektepterde jospardan tys 100-ge jýyq ata-analar jınalysy ótkizildi.
1 maýsymnan 31 tamyzǵa deıin 24 adam qutqaryldy, onyń ishinde 16-sy bala. Ókinishke oraı, oblystyń sý aıdyndarynda barlyǵy 12 adam qaza boldy, onyń ishinde 6 adam sýǵa shomylý kezinde, 3 adam balyq aýlaý barysynda jáne 3 adam sýdaǵy jazataıym oqıǵalar saldarynan mert boldy», - deıdi SQO TJD azamattyq qorǵanys bóliminiń bastyǵy Murat Qanǵojınov.
Qoǵamdyq oryndarda bolý erejesin buzǵan 233 adamǵa 2 mln 941 myń teńgeniń aıyppuly salynǵan. Taǵy 163 adam «Jalpy sý paıdalaný erejelerin buzý» baby boıynsha ákimshilik jaýapkershilikke tartyldy.
