SQO-da sý tasýynyń saldarynan 40 adam qaýipsiz aımaqqa kóshirildi
PETROPAVL. QazAqparat - Soltústik Qazaqstan oblysynyń Rýzaevka aýylynda adamdardy evakýatsııalaý jumystary jalǵasýda, dep habarlaıdy QazAqparat.
Aýyldyń mańynan maýsymdyq Jem Baraq ózeni aǵyp jatyr. Soltústik Qazaqstan oblysynyń Tótenshe jaǵdaılar departamentiniń jedel shtab jetekshisi Asqat Erjanovtyń aqparattary boıynsha, ózen eshqashan eshqaıda quıǵan emes.
Bıylǵy jyly qardyń qalyń túsýiniń saldarynan aǵyn sý osy ózenge quıdy.
«Tań ata 10 aýlany sý basty, 44 turǵyn evakýatsııalandy. Adamdar men maldar kórshilerge ornalastyryldy. Evakýatsııa jalǵasýda. Sý deńgeıi áli kóterilip keledi, osy ýaqytta 30-40 úı sý astynda qalýy múmkin. Arnaıy jedel shtab quryldy, naqty aqparattardy solar berip otyratyn bolady. Rýzaevka aýylynyń shetinde «Pınıker» ShQ-nyń jazǵy qashasy bar. Qojalyq ıesi qashany ýaqytynda ashyp úlgermedi. Endi ol tolyǵymen sý astynda qaldy. Aldyn ala málimetter boıynsha 80 qoı men 12 shoshqa qyrylyp qaldy»,-dedi Asqat Erjanov.
Qutqarýshylar sýdyń óte jyldam kelgendigin aıtady. Sý tómende ornalasqan keıbir úılerdi basyp qaldy, tipti birqatar úılerdiń terezesine deıin jetken. Qazir Rýzaevkaǵa Petropavl qalasynan qosymsha kúshter jóneltildi. Jeke quram men tehnıka jáne qaıyqtar bar. Sý basqan aımaqqa SQO Tótenshe jaǵdaılar departamentiniń bastyǵy Erik Sarybaev attandy.
