SQO-da sý tasqynynyń aldyn alý sharalary júrgiziledi
PETROPAVL. QazAqparat - Soltústik Qazaqstan oblysynda sý deńgeıiniń kóterilý qaýpi tekseriletin bolady, dep habarlady SQO TJD baspasóz qyzmetinen silteme jasap «QazAqparat» HAA tilshisi.
M. Jumabaev aýdany Týlaevo qalasynda kóldiń úsh jaǵynda kósheler ornalasqan, qar erise, kólge jaqyn úılerdi sý basýy múmkin.
Kóktemde sý qoımasy erigen qar sýyna tolady. Qazir ózen erneýlerin tereńdetý jumystary júrip jatyr. Tekserý barysynda «Kamatsý» ekskavatorymen 4 myń sharshy metr topyraq alyndy. Josparlanǵan kólem - 30 myń sharshy metr. Bul jumys 15 kún ishinde aıaqtalady dep josparlanýda.
Kólden sýdy aıdaý úshin aýdan ákimdigi saǵatyna 400 tekshe metr ónimdilikpen qýatty statsıonarlyq sorǵy satyp aldy.
Qutqarýshylar sý basýy yqtımal Aleksandrovka aýylyna bardy. Aýdanda «Vozvyshenka-Aleksandrovka» aýdandyq mańyzy bar jolǵa qosymsha sý ótkizý qurylǵysyn ornatty.
