SQO-da sý tasqynynan zardap shekkenderge qaıyrymdylyq sharasy uıymdastyrylyp jatyr
PETROPAVL. QazAqparat - Ǵabıt Músirepov aýdanynda sý tasqynynan zardap shekkenderge qaıyrymdylyq jasaý úshin arnaıy shot pen kómekke beriletin buıymdardy jınaý pýnkti ashyldy, dep habarlaıdy QazAqparat.
«Qadirli jerlester! Sizderden kez kelgen kómek túrin kórsetýlerińizdi ótinip suraımyz (qarjylaı, alǵashqy qajettilik buıymdary, qurylys zattary: kirpish, tsement, blok jáne t.b). Munyń bári jerlesterimiz, Músirepov aýdany Rýzaev aýyldyq okrýginiń turǵyndaryna tabystalady. Olar tabıǵat apatynan zardapqa ushyraǵanyn bilesizder», - delingen habarlamada.
Aýdandyq ardagerler keńesi janynan esep shoty ashylǵan. Sondaı-aq, Rýzaev aýyldyq ákimdiginde jáne Novoıshımskoe aýylyndaǵy «Balıtskıı» JK qurylys alańynda materıaldyq kómekti saqtaýǵa, úlestirýge arnalǵan eki pýnk ashylǵan.
Aıta keteıik, Rýzaev aýylyn qarǵyn sý basyp qalǵan edi. Ondaǵy 180 úı sý astynda qaldy. Onyń 7-eýi tolyq qıraǵan.
