SQO-da sý tasqynynyń úshinshi tolqyny bastaldy

PETROPAVL. KAZINFORM — Soltústik Qazaqstan oblysynda Esil ózeniniń deńgeıi qaıta kóterilip, tasyp jatyr. 

«Qazgıdromet» RMK SQO fılıalynyń málimetinshe, Sergeevka sý qoımasy bógetiniń jotasynan asyp tógilý 194 sm-ge jetti. Bul bıyldyqqa rekordtyq kórsetkish. Ótken bir táýliktiń ishinde munda 30 sm artyq kóterilip, qazir sý toraby 135% tolǵan.

Oblys aýmaǵynda Esil ózeni bastaý alatyn Shóptikól aýylynyń mańyndaǵy gıdrologııalyq bekette ótken táýlikte sý deńgeıi 60 sm kóterildi. Saǵat 12.00-degi málimet boıynsha, tórt saǵat ishinde taǵy 40 sm joǵarylaǵan. Sý áli de kelip jatyr.

Petropavldaǵy sý qoımasynda bir táýlikte sý deńgeıi 9 sm-ge artty. Oblys ortalyǵy qasynda Esil ózeniniń qaýipti deńgeıi 960 sm bolsa, qazir 1049 sm jetken.

Jaýapty qyzmetter jaǵdaıdy baqylaýda ustap otyr.

Keshe Úkimet basshysy Oljas Bektenov sý tasqyny kezeńindegi atqarylýy tıis sharalarǵa baılanysty tıisti vedomstvolarǵa 5 baǵyt boıynsha tapsyrma bergen edi.