SQO-da sý tasqynynan zardap shekken otbasylar jańa úılerge kirdi

PETROPAVL. KAZINFORM — Soltústik Qazaqstan oblysyndaǵy sý tasqynynan zardap shekken qyzyljarlyqtar jańa úılerge qonystanýyn jalǵastyrýda.

Petropavl qalasyndaǵy «Birlik» shaǵyn aýdany jańa turǵyndarmen tolyqty. Búgin 49 otbasy jańa úılerdiń ıesi atandy. Osylaı sý tasqynynan zardap shekken otbasylar úshin 200 jańa turǵyn úı salynyp, kiltteri tabys etildi. Josparlanǵan 700 úıdiń 500-inde qurylys jumystary qarqyndy júrýde, bul úıler qyrkúıek aıyna deıin aıaqtalady.

Aıta ketetin jáıt, sý tasqynynan zardap shekkender úshin turǵyn úılerdiń qurylysyna 1,5 myń qurylysshy jumyldyryldy.

Sonymen qatar, zardap shekken óńir turǵyndaryna ekinshi naryqtan 621 baspana satyp alyndy.

Beskól aýylynyń turǵyny Aıman Ǵaınýllınanyń úıi sý tasqynynan keıin apatty dep tanyldy. Qazir komıssııanyń barlyq kezeńderi artta qaldy, aýyl turǵyny otbasymen birge jańa úıde alǵashqy qonaqtardy qarsy alýǵa daıyndalýda.

«Bizdiń jańa qonysymyz ózimizge qatty unaıdy. Bul jerde adamdar úshin barlyq jaǵdaı jasalǵan. Sonymen qatar, jańa úıde ózimizdiń jeke baý baqshamyzdyń bolatyndyǵy qatty qýantady», — dedi Podgora yqshamaýdanyndaǵy turǵyn ıÝlııa Malıavko.

Sáıkesinshe, Birlik aýdanynyń turǵyny Aýbákirovter otbasy sý tasqynynan keıingi máselelerdiń tez, ońtaıly sheshilgendigi úshin alǵystaryn bildirdi.

QR Ónerkásip jáne qurylys mınıstrliginiń Ahýaldyq ortalyǵynyń málimetinshe, Soltústik Qazaqstan oblysynda barlyǵy 3 993 obektige tehnıkalyq tekserý júrgizildi, onyń nátıjeleri boıynsha:

— 700 úı salý — 200 aıaqtaldy;

— 1329 úı satyp alý — 621 satyp alyndy;

— 1964 úıge jóndeý jumystaryn júrgizý — 949 aıaqtaldy.