SQO-da sý tasqynyna baılanysty 7 mektep qashyqtan oqytyp jatyr

PETROPAVL. KAZINFORM – Soltústik Qazaqstan oblysynda sý tasqynyna baılanysty 1801 oqýshy qashyqtan oqyp jatyr.  

SQO bilim basqarmasynyń málimetinshe, óńirde sý tasqynynan zaqymdanǵan mektepter joq. Keshe tótenshe jaǵdaı rejıminiń engizilýine baılanysty oblysta Petropavl qalasynyń № 13 orta mektebi jáne Esil aýdanynyń Pokrovka orta mektebi qashyqtan oqytý formatyna aýystyrylǵan edi. Bul bilim ordalarynda 400-ge jýyq bala bilim alady.

Búgin olardyń qataryna taǵy bes mektep qosyldy. Olar: Qyzyljar aýdanynyń 5 mektebi - Ozernaıa orta mektebi, «Parasat» mektep-lıtseıi, №2 Beskól orta mektebi, Prııshım negizgi mektebi jáne Báıterek orta mektebi.

Joldardyń shaıylýyna jáne buzylýyna baılanysty taǵy 6 aýdannyń 8 mektebinde balalardy tasymaldaý ýaqytsha toqtatyldy. Mamandardyń aıtýynsha, sabaqtar aralas formatta ótedi. 78 oqýshy úshin qashyqtyqtan oqytý uıymdastyryldy.

Buǵan deıin sý tasqynyna baılanysty SQO-da aýyz sýdyń lastanǵany týraly habardyń taraǵanyn aıtqan edik.