SQO-da sý shaıyp ketken joldar qalpyna keltirildi
PETROPAVL. QazAqparat - Soltústik Qazaqstan oblysynda Ǵ.Músirepov atyndaǵy aýdanda eldi mekender arasyndaǵy jol qatynasy qalpyna keltirildi, dep habarlaıdy QazAqparat tilshisi.
Tótenshe jaǵdaılar departamenti baspasóz qyzmetiniń aqparaty boıynsha, 2 sáýirden beri aýyldyq okrýg turǵyndary joldy sý shaıyp ketýi saldarynan eldi mekender arasyna qaıyqpen qatynaǵan.
Aýdanda Aqan-Burlyq ózeni arqyly jańa kópir salynyp jatyr. «Almaty-Ekaterınbýrg» respýblıkalyq mańyzy bar tasjolyndaǵy kólik qatynasyn buzbaý úshin aınalma jol salyndy.
«Avtomobıl qatynasyna bul aıtarlyqtaı bóget bolǵan joq - kólikter aınalma jolmen júrdi. Ózenniń eki jaǵalaýynda ornalasqan aýyl okrýgteriniń turǵyndary úshin bul qıyndyq týdyrdy. Aýdanǵa qutqarýshylar kelip, olar Aqan-Burlyq ózeni arqyly ótken uıymdastyrdy», - dedi baspasóz qyzmetinen.
2-15 sáýir aralyǵynda myńnan astam turǵyndy, sonyń ishinde 180 balany qaıyqpen asyryp ótkizgen.
«Biz tańnan keshke deıin kúnine 30-ǵa jýyq reıs jasadyq. Ózenniń laı sýymen 50 metr qashyqtyqty qaıyqpen júzip ótý ońaı bolmady. Oǵan qosa, aǵystyń qatty bolýy jáne seńniń júrýi kedergi keltirdi», - dep atap ótti jedel-qutqarý jasaǵynyń bas qutqarýshysy Nurlan Muqashev.
Zaqymdalǵan aınalma jol qalpyna keltirildi. Dıametri 1200 mm bolatyn 12 sý ótkizetin qubyr ornatylyp, kesek tas pen qum-laı aralas úıindi tóseldi. 
Avtor:
