SQO-da sý ótkizetin arna qalpyna keltirildi
PETROPAVL. QazAqparat - Soltústik Qazaqstan oblysynda sý tasqynynyń aldyn alý jumystary júrip jatyr, dep habarlaıdy QazAqparat tilshisi.
SQO TJD baspasóz qyzmetiniń aqparatyna súıensek, sý tasqynynan zardap shegý qaýpi bar eldi mekenderge erekshe mán beriledi. Shal aqyn aýdanynda Kishi Taranǵul kólinen qaýip bolýy múmkin. Eger aldy alynbasa, kóldiń erneýinen tasyǵan sý Novopokrovka aýylynyń shyǵys bóligindegi 55 úıdi basýy múmkin.
Kóldegi sý deńgeıin túsirý úshin sý jiberiletin arna qalpyna keltirildi. Arnanyń 27 kılometri tazalandy. Budan tys, sý tasýy múmkin jerlerge eni 5 metr, bıiktigi 5 metr keletin 50 metrlik damba salyndy.
Daıyndyq jumystaryna oblys ákimdiginen 8 mıllıon teńge, aýdan bıýdjetinen 1 mıllıon bólindi.
