SQO-da sý qurylǵylaryn salýǵa 2 mıllıard teńge jumsalady
PETROPAVL. QazAqparat - 2017 jyly SQO-da sýmen jabdyqtaý nysandaryn salýǵa 2 mlrd teńge bólinedi, dep habarlady «QazAqparat» HAA tilshisi.
Óńirde bul somaǵa 11 aýylda 7 joba júzege asyrylmaq. Bıyl sapaly sý Qyzyljar, Tımırıazev, Ǵ.Músirepov aýdandaryndaǵy 9 aýylǵa jetedi. Ǵ.Músirepov aýdany Birlik jáne Starobelka aýyldaryna 2018 jyly tartylady.
Jergilikti bılik aýyldardyń ortalyqtandyrylǵan sýmen jabdyqtaýǵa qoljetimdiligi 57,4%-ǵa jetetinin habarlady. Qazir bul kórsetkish - 56,3%.
Bıyl Petropavlda aǵyn sý toǵanynyń dambasy, káriz kollektorlary, káriz sorǵy stansasy jóndeýden ótedi. Barlyq jumystar «Nurly jol» baǵdarlamasynyń aıasynda júzege asyrylady. Bul maqsatqa «Qyzyljar sý» JShS 647,6 mln. teńge bóldi.
Memlekettik baǵdarlamalar aıasynda Aıyrtaý aýdany Saýmalkól aýylynda somasy 442,3 mln teńgege 5,1 shaqyrym jylýmen jabdyqtaý jelisi salynyp jatyr.
«Petropavl jylý júıesi» JShS jylý magıstraldarynda qazir josparly tekserý júrip jatyr. Jylý oqshaýlaǵysh aýystyrylady. Antıkorrozııalyq qorǵanys qoıyldy.
«Bıyl 12,6 shaqyrym jáne 5,4 shaqyrym jylý jelilerine kúrdeli jóndeý júrgiziledi. Investıtsııalyq baǵdarlama aıasynda 1,1 shaqyrym jylý jelilerin aýystyrady. EQQDB qaryzy jáne QR UEM bıýdjettik sýbsıdııalaý esebinen 7 shaqyrym jylý jelisin jóndeý josparlanǵan. Jylý jelilerin jóndeý jobalardy odan ári iske asyrý qazirgi eskirgen qurylǵylardy 2020 jyly 66,9%-dan 62%-ǵa azaıtýǵa múmkindik beredi», - dedi basqarmada.
