SQO-da sý qoımasynyń deńgeıi jarty metrge kóterildi
PETROPAVL. QazAqparat - Soltústik Qazaqstan oblysyndaǵy Esil ózeni arnasynda seń júre bastady, dep habarlaıdy «QazAqparat» tilshisi.
«Qazgıdromet» fılıalynyń derekterine súıensek, ózen deńgeıiniń kóterilýi Sergeev sý qoımasynyń tómengi jaǵynan baıqalady. Al ózenniń salalarynda kerisinshe sý tómendegen.
Sergeev sý qoımasynda táýlik kóleminde sý deńgeıi 51 santımetrge kóbeıgen. 130 santımetr bolatyn bógen bıiginen sý asyp jatqany da baıqalǵan. Al Petropavl sý qoımasynda sý deńgeıi 1 santımetrge kóterilgen.
Jaqyn kúnderi óńirde qar erip, aýa temperatýrasy kóterile bastaıdy. Sınoptıkterdiń boljaýynsha keıbir tusta ózender arnasynan asyp ketýi yqtımal.
SQO TJD baspasóz qyzmetiniń málimdeýinshe, ótken demalys kúnderi óńirdegi úılerdi sý basýyna qatysty málimet tirkelmegen.
Illıýstratsııalyq foto
