SQO-da sý qoımasyndaǵy sý deńgeıi tómendep keledi
PETROPAVL. QazAqparat – Soltústik Qazaqstan oblysynda sý tasqyny jaǵdaıy turaqty. Bul týraly tótenshe jaǵdaılar departamenti bastyǵynyń orynbasary Nurlan Atyǵaev brıfıngte aıtty, dep habarlaıdy QazAqparat tilshisi.
Qutqarýshylar sý deńgeıiniń tómendegenin gıdrologııalyq posttardan baqylap jatyr. Sý qoımalarynda da dál osyndaı jaǵdaı. Sergeev sý qoımasynda 4 mamyrdaǵy jaǵdaı boıynsha sý mejeden 89 sm asqan. Bir táýlikte 9 sm tómendegen.
Petropavldaǵy sý torabyndaǵy sýdyń deńgeıi 39 sm azaıǵan. Tasjol arqyly alty ýchaskege sý aǵyp jatyr. Sonyń ishinde úsheýi Petropavlǵa jaqyn mańda. Zarechnyı kenti men qalanyń negizgi bóligi arasyndaǵy qatynas úzilip qalǵan.
Budan buryn qutqarýshylar sý tasqynynyń ekinshi tolqynynan qorqýdyń qajeti joq ekendigin habarlady.
«Sý birqalypty jaıyldy. Olar ózenderge baryp quıyldy. Sý tasqynyń ekinshi tolqynynan qorqýdyń qajeti joq. Taıaý ýaqytta baqylaý posttaryn alyp tastaımyz», - dedi N.Atyǵaev.
Avtory: Olesıa Jýkoven
