SQO-da sý qoımasyn tamashalaıtyn alań jabyldy
PETROPAVL. QazAqparat - SQO-da Sergeev sý qoımasynda tamashalaıtyn alańǵa barý shekteldi, dep habarlady «QazAqparat HAA tilshisi.
Áleýmettik jeli paıdalanýshylary Shal aqyn aýdany Sergeevkada kórý alańy jabylǵanyn talqylaýda. Aýyl turǵyndarynyń súıikti ornyn eskertý-shekteý lentasymen qorshady. Buǵan sebep beton alańnyń astyndaǵy topyraqty sý shaıyp ketken.
«Alań gıdrotoraptyń bólshegi emes. Ol eshqandaı qyzmet atqaryp turǵan joq. Sý deńgeıiniń kóterilýi saldarynan jumsaq topyraqty sý shaıǵan. Mundaı jaǵdaı sońǵy 50 jylda alǵash ret baıqalyp otyr. Alań jartasta ornalasqan. Ony tómende betondalǵan metall qubyrlar tirep tur. Qaýipti eshteńe joq, tek alańǵa salmaq júktemesin azaıtý úshin adamdardyń kelýin shektedik», - dedi «Qazsýsharýashylyǵy» RMK SQO fılıaly dırektorynyń orynbasary Beıbit Qadyrov.
Kórý alańyn bekitý-nyǵaıtý jumystary sý tasqyny kezeńi ótkennen keıin júrgiziledi.
Qazir Sergeevskoe sý qoımasyndaǵy sý kólemi 64 paıyzdan asyp ketken.
