SQO-da sý deńgeıiniń kóterilýine baılanysty kólik qozǵalysyna shekteý qoıyldy
PETROPAVL.KAZINFORM — 17 sáýir saǵat 23:30–da Esil ózeninde sý deńgeıiniń kóterilýine baılanysty jáne KZ15-09 «Petropavl qalasynyń aınalma joly» avtojolynyń 28-shaqyrymynda jol qozǵalysy shekteldi. Bul týraly Qazavtojoldyń baspasóz qyzmeti málim etti.
Sýdyń joldan asyp ketý jaǵdaıyna baılanysty «Petropavl qalasynyń aınalma joly» avtojolynyń 25-30 shaqyrym aralyǵynda (Mámlút aınalma jolynan 20-shi móltekaýdan aınalma jolyna deıin) barlyq avtokólik túrleri úshin qozǵalys shekteýi engizildi.
Balama baǵyttar:
• Jeńil avtokólikter úshin Petropavl qalasy arqyly.
• Júk kólikteri úshin:
— Peterfeld-Arhangelskoe — Novokamenka-a/j, Jezqazǵan — Arqalyq — Petropavl joly;
— Jezqazǵan — Arqalyq — Petropavl
— Astana –Kókshetaý — Petropavl — RF shekarasy (ótý pýnkti Jańa jol)
Aıta keteıik, buǵan deıin SQO-da sý basýy múmkin eldi mekenderdi qorǵaýǵa 105 shaqyrymdyq 60 bóget salynǵanyn jazdyq.
