SQO-da sý deńgeıi kóteriledi
PETROPAVL. QazAqparat - Soltústik Qazaqstan oblysynda aldaǵy demalys kúnderi aýa raıyna baılanysty eskertý jarııalandy, dep habarlaıdy QazAqparat tilshisi.
Tótenshe jaǵdaılar departamenti «Qazgıdromet» RMK-nyń málimetterine silteme jasaı otyryp, 7-8 sáýir kúnderi óńirde «kún jyly bolyp, jaýyn-shashyn bolýyna jáne qardyń erýine baılanysty ózenderdegi sý deńgeıi kóterilip, shabyndyqtarǵa jaıylý qaýpi bar» ekendigin málimdeıdi.
Osymen bir aptanyń ishinde ekinshi ret eskertý jarııalanyp otyr. Qutqarýshylar osy habarlamalarǵa beıjaı qaramaı, qaýipsizdik sharalaryn saqtaýǵa shaqyryp jatyr.
