SQO-da sý deńgeıi qaýipti mejeden asqan joq - TJD
PETROPAVL. QazAqparat - Soltústik Qazaqstan oblysyndaǵy Esil ózeninde sý deńgeı kóterilip keledi, dep habarlaıdy «QazAqparat» tilshisi.
SQO TJD málimetinshe, ázirge sý deńgeıi qaýipti mejeden asqan joq. Esil ózeninde muz qabaty juqaryp, seń buzyla bastady. Ózen tarmaqtarynda muzdyń tazarýy men sý deńgeıiniń azaıýy baıqalady.
Sergeev sý qoımasynda bógen ústinen quıylǵan sýdyń bıiktigi 150 santımetr. Keshe ǵana bul kórsetkish 20 santımetr tómen bolatyn.
SQO-daǵy jaýapty oryndar qazir sý deńgeıine monıtorıng jasap, qadaǵalap otyr. Esil ózeni boıyndaǵy aýyldar mańyna baqylaý beketteri qoıyldy.
«Qar kúrt erigen kezeńnen bastap sý basýdyń aldyn-alý maqsatynda jedel is-sharalar qolǵa alyna bastady. 119 myń tekshe metr sý sorylyp alyndy. Qazirgi ýaqytta eldi mekenderdi sý basý qaýpi joq»,-dedi baspasóz qyzmeti.
