SQO-da sý boıynda ózin ustaý qaǵıdalaryn buzǵandar jazalandy
PETROPAVL. QazAqparat - Petropavlda jáne SQO aýdandarynda polıtseıler shomylýǵa ruqsat etilmegen oryndarda 176 reıd júrgizdi, dep habarlady «QazAqparat» HAA tilshisi.
Shomylý maýsymy bastalar alynda 327 ata-analar jınalysy ótti. Olarǵa sýda balany qaraýsyz qaldyrýǵa bolmaıtyny aıtyldy. Alaıda reıd kezinde polıtseıler eresekterdiń qaraýynsyz balalardyń shomylyp júrgenin anyqtady.
Demalys lagerlerinde, aýla klýbtarynda, balalar alańdarynda aldyn alý jumystary júrgizilýde. Balalarǵa sýda ózin-ózi ustaý qaǵıdalary týraly aıtylýda. Taza aýada ishkendi unatatyn eresekter de basa nazarda. ÁQtK 364-baby 1-bóligi boıynsha ákimshilik jaýapkershilikke 108 adam tartyldy. Olarǵa sýda qaýipsizdik qaǵıdalaryn buzǵany úshin eskertý jasaldy.
«SQO-da jyl basynan bastap 17 adam sýǵa ketti, onyń 4-eýi kámelettik jasqa tolmaǵandar. Bul ótken jylmen salystyrǵanda eki esege kóp. 11 adam kóz jumdy. Sýda demalýǵa ruqsat etilgen oryndarda úsh jazataıym oqıǵa tirkeldi. Eki adam balyq aýlaý kezinde sýǵa ketse, 4 adam belgisiz jaǵdaıda sýǵa batyp ketken», - dedi SQO ІІD baspasóz qyzmetinde.
