SQO-da sý astynda qalǵan úılerden 634 adam qaýipsiz jerge kóshirildi
PETROPAVL. KAZINFORM – Soltústik Qazaqstan oblysynda qazirgi ýaqytta 76 úıdi sý basqan, bul baspanalardan 634 adam, sonyń ishinde 101 bala evakýatsııalandy.
SQO Tótenshe jaǵdaılar departamenti baspasóz qyzmetiniń málimetinshe, bir táýlik ishinde Esil aýdanynyń 3 eldi mekeni - Pokrovka, Nıkolaevka, Petrovkada Esil ózeniniń tasýyna baılanysty 56 jeke turǵyn úı sý astynda qaldy. Qutqarýshylardyń jáne jergilikti atqarýshy organdardyń kúshimen 68 adam evakopýnktke jáne týystaryna ornalastyryldy.
Sondaı-aq, Shal aqyn aýdany ıAnko aýylynda erigen qar sýynan 6 jeke turǵyn úıge sý kirdi. Osylaısha 17 adam, onyń ishinde 6 bala týystaryna evakýatsııalandy. Qazirgi ýaqytta munda tıisti jumystar júrgizilip jatyr.
Petropavldaǵy Zarechnyı kentinen de qutqarýshylardyń, polıtsııa qyzmetkerleriniń jáne jergilikti atqarýshy organdardyń kúshimen 259 evakopýnktke jáne týystaryna aldyn ala kóshirildi.
Respýblıkalyq, oblystyq jáne aýdandyq mańyzy bar avtojoldardyń 19 ýchaskesin sý shaıyp ketti. Belgiler qoıyldy. Oqıǵa ornynda jergilikti atqarýshy organdar men polıtsııa kezekshilik atqaryp jatyr.
Budan bólek eldi mekenderdi sý basýdan qorǵaý maqsatynda avtojoldardyń 8 ýchaskesi sý aǵýy úshin buzyldy.
Jalpy qazir SQO-da Túrkistan, Qaraǵandy, Almaty, Ulytaý jáne Pavlodar oblystarynan kelgen 266 qutqarýshy arnaıy tehnıkalarymen, Qorǵanys mınıstrliginiń bólimshelerinen 313 adam jumys istep jatyr.
Buǵan deıin Sergeev sý qoımasynda sý deńgeıiniń túse bastaǵanyn aıtqan edik.
Sondaı-aq SQO ákimi tasqyn sýdyń aldynda Petropavl turǵyndaryna úndeý joldady.
