SQO-da stýdentterge qyzmet kórsetetin alǵashqy ortalyq ashyldy
Osy ortalyqty ashý ıdeıasyn Memlekettik qyzmet isteri jáne sybaılas jemqorlyqqa qarsy is-qımyl departamenti alǵa tartqan.
Departament basshysy Elena Stepanenkonyń aıtýynsha, stýdentterge qyzmet kórsetý ortalyǵy «bir tereze» qaǵıdatymen jumys isteıdi ári munda elektrondy qyzmetterge basymdyq beriledi.
Ortalyqta qujattardy qabyldaý-berý terezesi, ózine-ózi qyzmet kórsetý buryshy bar. Konsýltanttar (keńesshiler) praktıkalyq jáne ádistemelik kómek kórsetedi.
«Mundaǵy búkil qyzmetter barynsha qolaıly etilgen. Stýdentterdiń ýaqyty únemdeledi, sonymen qatar qaǵaz qujattar da birshama qysqardy. Ortalyqtyń ashylýy bilim alýshylarǵa kórsetiletin qyzmettiń sapasy men mádenıetin arttyrýǵa múmkindik bereri sózsiz», - deıdi vedomstvo baspasóz qyzmetiniń ókilderi.
